Ghe xe un giornalista che el decidi de scriver un articolo sule vece case de
toleranza: cossa de meo che no intervistar la tenutaria ormai squasi
zentenaria, del casin più rinomà de Milan.
El la va a trovar e dopo 'ver fato un poche de ciacole, el mulo se rendi
conto che la vecia la xe ancora in gamba. I taca a parlar de tuto, dei
casini, dela Merlin fin a che el discorso no el casca su i clienti del suo
casin.
"Ah" la fa ela "gavevo le meo putele e de conseguenza la clientela più
selezionada"
"Beh, se no la imbaraza, la me podaria fa qualche nome?" ghe disi lu
"Ogni martedì vigniva el Motta, quel dei panetoni. Un vero signor: mai che
el sia vignudo a man svode, sempre coi panetoni per le putele"
"... e dopo" el ghe fa eco lu
"beh vigniva l'avocato, l'Agnelli quel dela FIAT ... anche lu el vigniva co
le machine, ma solo i modelini, perché el jera bastanza tiraca. Po ogni
volta a lamentarse che la dita la ga problemi, che el mercato no el tira e
robe cussì: insoma un poco un scassabalote"
Lu ghe domanda alora "Ancora un nome la me devi far!"
Ela ghe pensa e dopo la comincia "chi che veniva ogni giorno iera el
Cavaliere"
"BERLUSCONI?????" el ghe fa lu incredulo " ma el sarà stado fioluz, cossa
el vigniva a far?"
"ma gnente de speciale: el magnava paneton, el zogava co le machinete e po
più che altro el spetava che mama finissi de lavorar"
