U BRUXARUMENTA
A bruxà ghe guägnee viatri
A salutte a le de niatri
Amiu a vô bruxia a Scarpin
E indovin-na a chi gia u belin?
A rumenta l'é in-na richessa
Ma brûxarla l'é in-na schifessa
A diferensià l'é in-na finessa
E u Chiaravagna in-na belessa
E u Pericu, pelandrun
Pe aumentàse u menestrun
Se ne batte un po' u belin
E s'accorda cu'i spassin
Chè l'Enel in scia buletta
Sensa dilu in mainëa sccetta
Se fa pagâ a perçentuâ
Che in po' a tûtti ne fa mâ
Ghe finansia u brûxatû
Che paghemmu cu nostro cû
De palanche ghe né tante
E alua: uege da mercante!
Nu dân a mente a mëghi e a Grillo
Oua basta! Oua Strillo!
Me l'ha ditu u Montanari
No se zêuga ad armi pari
Chè a particella l'è piccin-na
E nu a marca a centralin-na
Oua diggu in po' a me
In sciä l'elettricitæ
Ché va fèta con sû e ventu
E nu vuemo inquinamentu
GrebaniInSciäL'Unda
Martìn e Laur'Adele
