> Gavi' da piantarla de mandarme cadene del porco ... > e simili, tipo che
> el mondo l'è belo ma solo se rispedisso tuto subito,
> se no son sfiga',
> come el negro de l'Alabama che no la' risposto a
> quatromilasinquesento
> imeil e no la'fato in tempo a dir "a" che l'era sa
> col vestito de
> legno (tradotto: morto e stramorto), o el cauboi
> John, tessano, che
> ghe casca' i maroni parché nol ga risposto etc etc.
>
> Par no parlar de quei che me manda imeil disendome
> che sicome ghe un
> provaider (fatalità american) che par ogni imeil che
> ghe riva el dà
> un centesimo in beneficensa ala lota contro la peste
> scaveona, e alora
> bisogna mandarghene a seci... me gà rotto i cojoni!
>
> O staltro che el gà na fiola con na malatia rarisima
> che nissuni sa
> cosa lè (sto qua el sta in missuri), che el te dà
> anca el numero de
> telefonin parché te ghe telefoni ti (credeghe!) a
> darghe notissie su
> le cure possibili (che po' se te guardi le date te
> scopriressi che e
> passà almanco tri ani da che lè partia la cadena
> quindi tanti auguri...).
> A mi te me ven a dimandar robe mediche, che stao in
> frassion de Isola
> dela Scala e no son gnaca bon de tacarme un ceroto?
>
> Po' quei che me dixe che ghe' el virus dela posta
> eletronica che se
> non te ste atento telo ciapi anca ti e lè pèso che
> anar co na nigeriana (e
> saven tuti a cosa se va incontro...), alora te ghe'
> da riempir tuti de imeil
> etc etc...
>
> Quei po'... che me manda la fotocopia del centro
> antitumori de Aviano
> dove i sensiati te dise che i ovi condii i fa vegner
> el cancro a l'useo...
> e che farse un sciampo lè pèso de fumarse tri steche
> de "ms sensa filtro".
>
> Ancora quei contro i giaponesi, che secondo lori i
> metaria i gati
> nele butiglie, co l'urlo de bataia "impenèmoghe el
> sito!"...
>
> Par non desmentegarme de chi me manda scrito che
> ghe' quei dela Erisson
> che i da via i telefonini come i fusse bagigi e
> adiritura che lori i
> là proà e funsiona (!?!): basta "inviar el mesagio a
> tuti quei che te
> conossi" e te si a posto: tempo do sitimane e riva
> el sior Erisson,
> Mario J.J. Erisson in persona, aministratore
> delegato dela dita omonima
> o anonima, non me ricordo coma se dise, il cuale sa
> tute le meil che
> te mandi, e te porta sul porton de casa el scartosso
> col telefonin
> ultima generasion col Trial Band el giprrs e
> custodia de pitone ancora
> che se moe...
>
> A sto punto feme un piaxèr: mandime foto porno, film
> porno, barzelete
> e putanade varie ma BASTA CO STE CADENE! Che n'altro
> po' e verzo na
> feramenta e taco a vendarle.
>
> Con la speranza che sta meil no la riva in luisiana
> a una che le' drio
> farse i cassi soi.
